December 2024

ஒளி விழா – 2024

Posted on December 30, 2024January 2, 2025 by webadmin

மன்னார் நகரசபையில் சமயங்களை பிரதிநிதித்துவப்படுத்தும் கலாச்சார நிகழ்வுகளும் இடம்பெற்று வருகின்றது.அந்த வகையில் கறிஸ்தவர்களின் யேசு பாலன் பிறப்பை கொண்டாடும் முகமாக ஒளி விழாவானது 27.12.2024 அன்று நகரசபையின் கலாச்சார மண்டபத்தில் வெகு விமர்சையாக இடம்பெற்றது. முதலில் அருட் தந்தையின் திருப்பலி ஒப்புக் கொடுத்தலுடன் ஒளி விழாவானது ஆரம்பமானது அதனைத் தொடர்ந்து நகரசபை கணக்காளர் அவர்களினால் சிறப்புரை வழங்கப்பட்டது. பின்பு அருட்தந்தை அவர்களினால் ஆசி உரை வழங்கப்பட்டது. தொடர்ந்து நகரசபை உத்தியோகத்தர்களது பாடல், முன்பள்ளி மாணவர்களின் நாடகம், நடனம் மற்றும் பேச்சு போன்ற நிகழ்ச்சிகள் இடம்பெற்றது. நிகழ்வை வழங்கிய மாணவர்களுக்கு பரிசில்களும் வழங்கி ஊக்குவித்தனர். தொடர்ந்து நகரசபையின் உத்தியோகத்தர் தர்சினி அவர்களினால் நன்றியுரை வழங்கப்பட்டு பிற்பகல் 12.30 மணியளவில் இவ் விழாவானது இனிதே நிறைவு பெற்றது.

மன்னார் நகரசபையின் பண்டிகைக்கால சந்தைக்கடை – 2024

Posted on December 19, 2024January 2, 2025 by webadmin

மன்னார் நகரசபையில் 2024 ஆம் ஆண்டிற்கான பண்டிகைக்கால சந்தைக்கடைக்கான விண்ணப்பப்படிவங்கள் 18.12.2024- 19.12.2024 மதியம் 1.00 மணிவரை பெற்றுக்கொள்ளலாம். அத்துடன் கடைகளின் எல்லை , வரைபடங்கள் மூலம் கீழே காட்டப்பட்டுள்ளது.

மன்னார் நகரசபைக்குட்பட்ட பின்தங்கிய கிராமங்களில்வசிக்கும் கர்ப்பிணித் தாய்மார்கள்,பாலுாட்டும் தாய்மார்கள் மற்றும் முதியோர்களுக்கான போசாக்கு உணவுப்பொதி வழங்கும் நிகழ்வு – 2024

Posted on December 17, 2024January 2, 2025 by webadmin

கர்ப்பிணி தாய்மார், பாலுாட்டும் தாய்மார் மற்றும் முதியோருக்கான உணவுப்பொதி வழங்கல் – 2024

மன்னார் நகரசபையின் நிதி ஒதுக்கீட்டில் ஒவ்வொருவருடமும் கர்ப்பிணித் தாய்மார் மற்றும் பாலுாட்டும் தாய்மாருக்கான போசாக்கு உணவுப்பொதி வழங்குவது தொன்று தொட்டு நடைபெற்று வருகின்றது. இந்த வகையில் இம்முறையும் கர்ப்பிணித் தாய்மார்,பாலுாட்டும் தாய்மாருக்கு மாத்திரமின்றி இம்முறை கஸ்ரப்பட்ட ஆரவற்ற முதியோருக்கும் போசாக்கு உணவுப்பொதி வழங்கப்பட்டது. இந்நிகழ்வு செயலாளர் தலைமையில் ஆரம்பிக்கப்பட்டது. இந் நிகழ்வில் பிராந்திய உள்ளுராட்சி அலுவலகத்திலிருந்து சனசமூக நிலைய அபிவிருத்தி உத்தியோகத்தர், சுகாதார வைத்திய அதிகாரி பணிமனையிலிருந்து குடும்ப நல சுகாதார உத்தியோகத்தர், அபிவிருத்தி உத்தியோகத்தர், நகரசபை கணக்காளர், பிரதம முகாமைத்துவ உத்தியோகத்தர். நகரசபை உத்தியோகத்தர்கள் என பலரும் கலந்து சிறப்பித்திருந்தனர்.

இந் நிகழ்வின் பதிவுகள் சில………

பெங்கல் புயல் அனர்த்த சூழ்நிலையில் பணிபுரிந்த நகரசபை ஊழியர்களை கௌரவிக்கும் நிகழ்வு – 04.12.2024

Posted on December 9, 2024January 2, 2025 by webadmin

அண்மையில் ஏற்பட்ட பெங்கல் புயல் அனர்த்த நிலைமையில் போது சிறப்பாக களப்பணியாற்றிய உள்ளுராட்சி மன்ற ஊழியர்களை கௌவரவிக்கும் முகமாக வட மாகாண உள்ளுராட்சி ஆணையாளர் தலைமையில் (04.12.2024) கிளிநொச்சி கூட்டுறவு மண்டபத்தில் நடைபெற்ற கௌரவிப்பு நிகழ்வின் போது மன்னார் நகரசபை செயலாளர் தலைமையில் வெள்ள அனர்த்த பணிகளில் களப்பணியற்றிய 14 ஊழியர்கள் கௌரவிக்கப்பட்டனர். குறித்த நிகழ்வில் வட மாகாண கௌரவ ஆளுனர் பிரதம விருந்தினராகவும், வட மாகாண பிரதம செயலாளர் சிறப்பு விருந்தினராகவும் எமது மாவட்ட அரச அதிபர், ஏனைய மாவட்ட அரச அதிபர்கள், எமது உள்ளுராட்சி உதவி ஆணையாளர், ஏனைய மாவட்ட உள்ளுராட்சி உதவி ஆணையாளர்கள் மற்றும் யாழ். மாநகர ஆணையாளர் விருந்தினர்களாக கலந்து கொண்டனர்.

மன்னார் நகரசபை ஊழியர்களுக்கு

வட மாகாண கௌரவ ஆளுனரால் மெச்சுரை வழங்கப்பட்ட போது…

அனர்த்த கால நிலைக்கு பின்னரான செயற்பாடுகள் – 2024

Posted on December 9, 2024January 2, 2025 by webadmin

மன்னார் நகர சபை நிர்வாக எல்லைகுட்பட்ட கடந்த நாட்களில் ஏற்பட்ட வெள்ள அனர்த்ததினால் பாதிக்கப்பட்ட பொது மக்கள் பாடசாலைகள், பொதுநோக்கு மண்டபங்கள், ஆகிய இடங்களில் தங்க வைக்கப்பட்டு தற்போது மக்கள் மீள வீடு திரும்பிள்ளனர்.

மன்னார் மாவட்ட அரச அதிபரின் அறிவுறுத்தலுக்கு அமைவாக பாடசாலைகள், பொதுநோக்கு மண்டபங்கள் மீள பயன்படுத்துவதற்கு ஏற்றவகையில் மன்னார் நகரசபை செயலாளரின் பணிப்பின் பேரில் நகரசபை ஊழியர்களினால் திண்மக்கழிவகற்றல் மற்றும் மன்னார் MOH,PHI ஒத்துழைப்புடன் சுகாதார முறையில் தொற்று நீக்கி எமது நகரசபை ஊழியர்கள் மூலம் செய்யப்படும் போது….

CA Sri Lanka , APFA ஆகிய நிறுவனங்கள் இணைந்து நடாத்திய 2023ஆம் ஆண்டுக்கான வருடாந்த செயற்பாட்டறிக்கை மற்றும் கணக்கறிக்கைக்கான மதிப்பீட்டுப் போட்டி

Posted on December 9, 2024January 2, 2025 by webadmin

இலங்கை பொது நிதி கணக்கியல் சங்கத்தினால் சிறந்த ஆண்டு அறிக்கை மற்றும் கணக்கு விருது வழங்குவதற்காக நாடளவில் உள்ள திணைக்களங்களுக்கு இடையிலான நடத்தப்பட்ட போட்டியில் 2023 ஆம் ஆண்டிற்காக தெரிவு செய்யப்பட்டு 02.12.2024 அன்று பண்டாரநாயக்கா ஞாபாகார்த்த சர்வதேச மாநாட்டு மண்டபத்தில் நடைபெற்ற “சிறந்த ஆண்டு அறிக்கை மற்றும் கணக்கு விருது விழா 2024” நிகழ்வில் மன்னார் நகர சபைக்கு சிறப்பு சான்றிதழ் கிடைத்துள்ளது. இவ்விருதை பெறுவதற்காக கடந்த ஆண்டு அயராது பணியாற்றிய உத்தியோகத்தர்கள் மற்றும் இவ்வறிக்கையினை திறம்பட உருவாக்கிய எமது உத்தியோகத்தா்களுக்கும் சபையின் சாா்பாக வாழ்த்துக்களையும் பாராட்டுக்களையும் தெரிவித்துக்கொள்கின்றோம்.