August 2024

மன்னார் பேசாலை துள்ளுகுடியிருப்பு கிராம பகுதியில் திடீரென ஏற்பட்ட தீ விபத்தினை அனர்த்த முகாமைத்துவ பிரிவின் அறிவித்தலுக்கு அமைவாக மன்னார் நகர சபை செயலாளரினால் தீ அணைப்புப் பிரிவினர்களை உரிய இடத்திற்கு அனுப்பி கிராமத்தின் பொதுமக்கள், அனர்த்த முகாமைத்துவ பிரிவு மற்றும் படையினரின் உதவியுடன் தீ அணைக்கப்பட்ட போது..

“சுவர்ணபுரவர” விருது நிகழ்வு – 2024

உள்ளூராட்சி மன்றங்களின் செயற்றிறன் மதிப்பீட்டின் (PERFECT 2.0) அடிப்படையில் எமது சபைக்கு 25.07.2024 அன்றைய தினம் பண்டாரநாயக்கா ஞாபகார்த்த சர்வதேச மாநாட்டு மண்டபத்தில் (BMICH) மாண்புமிகு பிரதமர் தினேஸ் குணவர்த்தன அவர்களின் பங்குபற்றுதலுடன் நடைபெற்ற 2024 ஆம் ஆண்டுக்கான சுவர்ணபுரவர விருது வழங்கும் நிகழ்வில் மன்னார் நகரசபை 7வது இடத்தை பெற்றுக்கொண்டது.

நாடு முழுவதுமுள்ள 276 உள்ளூராட்சி மன்றங்களுக்கு கட்டம் கட்டமாக நடத்தப்பட்ட சபைகளின் செயலாக்க மதிப்பீட்டின் அடிப்படையில் 41 நகரசபைகளில் மன்னார் நகரசபை 7வது இடத்தை தனதாக்கி “ஸ்வர்ணபுரவர” தேசிய விருது பெற்றுக்கொண்டது.

இவ் விருதை பெறுவதற்கு அயராது உழைத்து ஒத்துழைப்பை வழங்கிய நகர சபை உத்தியோகத்தர்கள், ஊழியர்கள் அனைவருக்கும் எமது மனமார்ந்த நன்றிகளை தெரிவித்துக்கொள்கின்றேன்.

மன்னார் நகர சபையுடன் எப்போதும் எமது சபையின் சட்டதிட்டங்களை மதித்துச் செயற்படுத்தும் பொது மக்கள் அனைவருக்கும் நகரசபை குடும்பம் சார்பாக நன்றிகளை தெரிவித்துக்கொள்கின்றோம்.

செயலாளர்,

மன்னார் நகரசபை